Бахшида ба Рӯзи Модар, раиси шаҳри Левакант-Муминзода Мастура Табарӣ, муовини раиси шаҳр-Шоҳиён Саъдулло, мудири бахши маориф Раҳимов Файзулло ба аёдати омӯзгори собиқадори русзабон, Степанова Жанна Анатолеевна рафта, бо туҳфаҳо ӯро қадрдонӣ карданд.
Бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар тамоми шаҳру ноҳияҳои кишвар Аксияи «Туҳфаи сарбоз ба модар» ташкил гардид. Дар доираи ин ташаббус Ҳакимов Ислом ҷавонписари шаҳри Левакант, ки дар Қисми ҳарбии 6592-и Қушунҳои дохилии ВКД дар шаҳри Турсунзода адои хизмати Модар-Ватан мекунад, ба назди модар ва хонаводааш оварда шуд.
7-уми март, бахшида ба Рӯзи Модар аз намоиши ҳунарҳои мардумӣ то баргузории чорабинии тантанавию туҳфагузориҳо шаҳри Левакант шукӯҳи идона дошт.
Дар саҳни Донишкадаи байналмилалии Леваканти ДБССТ, гулдухтарони муассисаҳои томактабии шаҳр бо рақсу бозӣ меҳмонони чорабиниро истиқбол гирифтанд.
Ҷиҳати иҷрои супориши раиси шаҳри Левакант-Муминзода Мастура Табарӣ, вобаста ба риояи талаботҳои шаҳрнишинӣ, бартараф намудани заминҳои ғасбшуда аз тарафи шаҳрвандон, наовехтани либос ва дигар ашёи рӯзгор аз панҷараҳо, тозагии гирду атрофи биноҳои баландошёна, муддати ду ҳафта ҳаст, ки аз тарафи шахсони масъулгашта корбарию фаҳмондадиҳӣ тариқи усули фардии "хона ба хона" идома дорад.
