Имрӯз 11-уми март, дар толори Мақомоти иҷроияи ҳокимияти давлатии шаҳри Левакант, муовини раиси шаҳр-Шоҳиён Саъдулло бо роҳбарони ташкилоту корхонаҳо Ситод гузаронид.
Дар ин Ситод аз роҳбарон пурсида шуд, ки то ин вақт баҳри омодагӣ ба ҷашни миллии Наврӯз ва даъвати баҳории ҷавонон кадом корҳоро ба анҷом расонидаанд.
Бахшида ба Рӯзи Модар, мудири бахши кор бо ҷавонон ва варзиши Мақомоти иҷроияи ҳокимияти давлатии шаҳри Левакант-Шодихон Сафарзода ва директори Муассисаи давлатии мактаби варзишии шаҳр Ҷаҳонгири Бобоҷон бо савғову туҳфаҳо ба аёдати модари афсари марҳум Ибодуллои Убайдулло, ки зимни адои вазифаи хизматӣ ҳалок гашта буд рафта, ӯро аёдат ва ба Рӯзи Модар табрик намуданд. Онҳо ба модар гуфтанд, ки моро ба ҷойи бародарамон Ибодулло фарзанди худ ҳисобед. Агар имрӯз ӯ дар бари мову шумо набошад ҳам хотираи некаш ҳамчун қаҳрамон дар ёдҳоямон ҳамеша боқист.
Бахшида ба Рӯзи Модар раиси шаҳри Левакант-Муминзода Мастура Табарӣ, муовини раиси шаҳр-Шоҳиён Саъдулло, роҳбари дастгоҳи раиси шаҳр-Шарифӣ Бобосафар, масъулини шуъбаи Агентии суғуртаи иҷтимоӣ ва нафақаи шаҳри Левакант ва дигар масъулин ба аёдати модарони солманд рафта онҳоро ба ин рӯзи фархунда аёдат ва табрик намуданд.
Бо ташаббуси Мақомоти иҷроияи ҳокимияти давлатии шаҳри Левакант, беш аз 80 занону бонувони собиқадор ва фаъол бахшида ба Рӯзи Модар барои саҳми арзанда гузоштан дар таълиму тарбияи фарзанд, иштироки фаъолона дар корҳои ҷамъиятӣ, ҳамкориҳои доимӣ ва зич бо Мақомоти иҷроия туҳфагузорӣ ва қадршиносӣ шуданд.
