6-уми март, дар толори маҷлисгоҳи Силсила неругоҳи «Вахш» дар шаҳри Левакант, бахшида ба Рӯзи Модар ҷамъомади идона баргузор гардид.

Директори Силсила неругоҳи «Вахш» дар шаҳри Левакант-Ғуломзода Ҷамшед Ғулом тамоми бонувону занони коргоҳро бахшида ба Рӯзи Модар табрик намуда. Ӯ зимни баромади худ зикр намуд, ки дар замони соҳибистиқлолии Ҷумҳурии Тоҷикистон бо ташаббуси бевоситаи Асосгузори сулҳу ваҳдати миллӣ, Пешвои миллат, Президенти Тоҷикистон муҳтарам Эмомалӣ Раҳмон занону модарони тоҷик мавқеъи баландро соҳиб гаштанд, ки ин эҳтиром гузоштан ба занону модарон мебошад. Инчунин ӯ зикр кард, ки дар Силсила неругоҳи «Вахш» дар баробари мардон занону бонувон низ фаъолияти пурсамар доранд. Мо заҳмати ҳар як корманди ҷинси зани корхонаро қадр мекунему кушиш менамоем, ки ҳуқуқҳои онҳо ҳамчун зан модар ҳифз гардад. Зеро онҳо дар ҷомеа рисолати бузургро иҷро мекунанд, ки ин таълиму тарбияи насли инсон мебошад

6-уми март, бахшида ба Рӯзи Модар, бо ташаббуси бахши маорифи Мақомоти иҷроияи ҳокимияти давлатии шаҳри Левакант, дар муассисаи таҳсилоти миёнаи умумии №15, чорабинии идона баргузор гардид. Дар чорабинӣ мудири бахши маориф-Раҳимоф Файзулло ва занону бонувони соҳаи маорифи шаҳр иштирок намуданд.

Дастоварду ҳунари хонандагоне, ки дар Маркази дарёфт ва рушди истеъдодҳо дар оғози чорабинӣ манзури иштирокдорон гардонида шуд.

6-уми март, тибқи нақша-чорабиниҳои якҷояи Кумитаи вилоятии Ташкилоти ҷамъиятии мададгори мудофиаи вилояти Хатлон ва Раёсати кор бо ҷавонон ва варзиши вилояти Хатлон бахшида ба Рӯзи Модар байни занону бонувон ва хонандагони синфҳои болоии муассисаҳои таълимӣ вилоят, мусобиқаи ҳарбӣ-варзишӣ гузаронида шуд.

Дар арафаи Рӯзи Модар ва моҳи шарифи Рамазон бо ташаббуси масъулини КИ ҲХДТ дар шаҳри Левакант, ду шахси маъюбиятдоштаи шаҳр яке аз ҷамоати деҳоти «Вадат»-и деҳаи Зағертут, дигаре аз ҷамоати шаҳраки «Сарбанд» аз тарафи вакилони шаҳрии тозаинтихоб аёдат ва кумаки якдаъфаинаи ғизоӣ карда шуданд.

Имрӯз 3-юми март, дар толори маҷлисгоҳи Мақомоти иҷроияи ҳокимияти давлатии шаҳри Левакант, маҷлиси назоратии назди раиси шаҳр гузаронида шуд.

Дар оғоз Муминзода Мастура Табарӣ барои ташкил ва дар сатҳи баланд гузаронидани Интихоботи МНМОҶТ ва маҷлисҳои маҳаллӣ ба тамоми фаъолон изҳори сипос намуд. Сипас аз масъулин вобаста ба иҷрои дастуру супоришҳои ҳафтаи сипаригашта пурсиш гузаронид.