Бо ташаббуси Ташкилоти собиқадорони ҷангу меҳнати шаҳри Левакант, бахшида ба 32-солагии Артиши миллӣ, собиқадороне, ки имконияти маҳдуди ҷисмонӣ доранд аёдат шуда, аз ҷониби КИ ҲХДТ дар шаҳри Левакант ва ҶСК «Ориёнбонк» кумаки яквақтаинаи ғизоӣ ва туҳфагузорӣ карда шуданд.

Раиси Ташкилоти собиқадорони ҷангу меҳнат-Султонов Ҳикматулло, раиси КИ ҲХДТ дар шаҳри Левакант-Олимзода Низора, директори ҶСК "Ориёнбонк"-Боронов Муҳаммадусмон, мудири бахши кор бо ҷавонон ва варзиши шаҳр-Шодихон Сафарзода ва дигар фаъолон зимни ин аёдат бо собиқадорони ҷангу меҳнат суҳбат намуда, аз вазъи зиндагӣ ва ҳолу аҳволашон пурсон гаштанд.

18-уми феврал, баҳри таёрӣ ва таъмини трактору дигар мошинолоти кишоварзӣ ҷиҳати кишти пахта ва зироатҳои полезӣ дар шаҳри Левакант, чорабинии «Хатти тайёр» гузаронида шуд.

Дар ин чорабинӣ рнаиси шаҳри Левакант-Муминзода Мастура Табарӣ, муовини Вазири кишоварзии Ҷумҳурии Тоҷикистон Асозода Нуралӣ, муовини якуми раиси вилояти Хатлон-Мирзозода Музафар, директори Корхонаи воҳиди давлатии ҷумҳуриявии «Тоҷикагролизинг»-Акрамзода Юсуф ва дигар масъулину механизаторҳо бо техникаву мошинолоти кишоварзӣ иштирок намуданд.

18-уми феврал, бо ташаббуси Мақомоти иҷроияи ҳокимияти давлатии шаҳри Левакант, бахшида ба 32-солагии таъсисёбии Қувваҳои Мусаллаҳи Ҷумҳурии Тоҷикистон ва Рӯзи Артиши миллӣ, раиси КИ ҲХДТ дар шаҳри Левакант-Олимзода Низора, мудири бахши кор бо занон ва оилаи Мақомоти иҷроия-Эшова Боғигул, масъулини Комиссариати шаҳри Левакант ва як гурӯҳ занону бонувон афсарону сарбозони Қисми низомии №07256-и Коминдатураи ҳарбии гарнизони Хатлонро аёдат намуданд.

18-уми феврал, бахшида ба 32-солагии таъсисёбии Қувваҳои Мусаллаҳи Ҷумҳурии Тоҷикистон ва Рӯзи Артиши миллӣ, тибқи нақша-чорабинии якҷояи бахши кор бо ҷавонон ва варзиш, бахши маориф, Комиссариати ҳарбии шаҳр ва КШ ТҶММ дар шаҳри Левакант, Озмуни ҳарбӣ-варзишии «Ватанпарвар» байни хонандагони муассисаҳои таълимӣ дар сатҳи хеле хуб гузаронида шуд.

Имрӯз душанбе 17-уми феврал, Маҷлиси назоратии назди раиси шаҳр Муминзода Мастура Табарӣ бо пурсиши иҷрои супоришҳои ҳафтаи сипари оғоз гашт.

Сипас ӯ вобаста ба иҷрои қисми даромади буҷет, шанбегиҳо, тозагию ободонӣ, кабудизоркунӣ, кишти саривақтии зироатҳо мувофиқи дурнамо, тоза намудани заъбуру заҳкашҳо, омодагӣ ба Рӯзи Артиш, Рӯзи Модар ва Наврӯз, пешгири аз ҷиноят ва қонуншиканиҳо, ташкили чорабинӣ ва мусобиқаҳои варзиши, сохти меъморию шаҳрсозӣ, рафти омодагӣ ба даъвати баҳории ҷавонон ба хизмати ҳарбӣ ва омодагии ҳамаҷониба ба маъракаи муҳими СИЁСӢ-ИНТИХОБОТ, ба масъулин дастуру супоришҳои мушаххас дод.

 

Муфассал