24-уми феврал, бо ташаббуси масъулини КИ ҲХДТ дар шаҳри Левакант, вохӯрӣ ва муаррифии номзадҳои пешбаришуда аз ҲХДТ ба вакилии Маҷлиси вакилони халқи шаҳри Левакант, бо интихобкунандагони ҳавзаҳои муайянгашта дар деҳаи Хурамдеҳи ҷамоати деҳоти «Гулистон» баргузор гардид.
24-уми феврал, яке аз собиқадорони меҳнат-Юлдошов Акрам, ки дар бистари беморӣ (маъюбӣ) қарор дорад, аз ҷониби раиси Ташкилоти собиқадорони ҷангу меҳнати шаҳр-Султонов Ҳикматулло, мудири бахши дин, танзими анъана ва ҷашну маросимҳои Мақомоти иҷроияи ҳокимияти давлатии шаҳри Левакант-Маҳмад Хидирзода ва дигар масъулин аёдат шуд. Инчунин ӯ бо кумакпулии яквақтаина аз тарафи бахши дин, танзими анъана ва ҷашну маросимҳои Мақомоти иҷроия таъмин гардид.
Аз ин дидорбинию аёдати масъулин собиқадори меҳнат Юлдошов Акрам изҳори сипосу қаноатмандӣ намуд.
Паёми шодбошии Муминзода Мастура Табарӣ, раиси шаҳри Левакант бахшида ба 32-солагии таъсисёбии Қувваҳои Мусаллаҳи Ҷумҳурии Тоҷикистон
Ҳамдиёрони азиз!
Имрӯз мардуми Тоҷикистони соҳибистиқлол 32-солагии таъсисёбии Қувваҳои Мусаллаҳи Ҷумҳурии Тоҷикистонро дар фазои сулҳу осоиштагӣ ботантана ҷашн мегиранд.
Дар арафаи Рӯзи Артиши миллии Ҷумҳурии Тоҷикистон, раиси шаҳри Левакант-Муминзода Мастура Табарӣ, муовини раиси шаҳр-Шоҳиён Саъдулло, роҳбари дастгоҳи раиси шаҳр-Шарифӣ Бобосафар Ҳамидзода, раиси Ташкилоти собиқадорони ҷангу меҳнат-Ҳикматулло Султонов, раисти Ташкилоти ҷамъиятии «Сипарони Ватан»-Бароталиев Сафар ва дигар масъулин ба хонаводаи хизматчии ҳарбӣ Ибодуллои Убайдулло аз ҷамоати шаҳраки «Сарбанд» ва сарбози қаторӣ Мирзоев Бахтовар аз ҷамоати деҳоти «Гулистон», ки зимни адои хизмат дар муноқишаҳои сарҳадии Тоҷикистону Қирғизистон қаҳрамонона ҳалок шудаанд рафта аёдат намуданд. Ҳамзамон аз ҷониби Мақомоти иҷроияи ҳокимияти давлатии шаҳри Левакант, ба оилаҳои онҳо кумакҳои модию молӣ расонида шуд.
22-юми феврал, дар Донишкадаи байналмилалии Леваканти ДБССТ ҳамоиши фарҳангӣ-адабӣ бахшида ба Рӯзи таъсисёбии Қувваҳои Мусаллаҳи Ҷумҳурии Тоҷикистон таҳти унвони «Артиши миллӣ-сипари боэътимоди давлату миллат» баргузор гардид.
Дар чорабинии раиси шаҳри Левакант-Муминзода Мастура Табарӣ, муовини ректори Донишгоҳи байналмилалии сайёҳӣ ва соҳибкории Тоҷикистон, номзади илмҳои иқтисодӣ, дотсент Зоирзода Исломбек, раиси Кумитаи иттифоқи касабаи кормандони маориф ва илми вилояти Хатлон-Ширинзода М., раиси кумитаи иҷроияи ҲХДТ дар шаҳри Левакант-Олимзода Низора, намояндагони Иттиҳоди ветеранҳои ҷанговарони интернатсионалисти собиқадори шаҳри Левакант ва омӯзгорону донишҷӯёни Донишкада иштирок доштанд.
