Имрӯз 14-уми май, иҷрокунандаи вазифаи раиси шаҳри Левакант-Муминзода Мастура Табарӣ ба вазъи корҳои саҳроӣ ва парвариши пилла дар ҷамоати деҳоти «Гулистон» шинос шуд.

Ба шаҳрдор иттило дода шуд, ки нақшаи кишти пахта пурра иҷро гардида, меҳнаткашон дар майдони 1030 га пахта кишт намудаанд, ки нашъунамои хуб дорад. Алҳол бошад дар саҳро корҳои агротехникӣ бо ҷушу хурӯш ҷараён дошта, кишвоарзон баҳри ба даст овардани ҳосили хуби тиллои сафед талош доранд. Инчунин ғалла ва дигар зироатҳои полезӣ бошад нашъунамо меёбанду дар хоҷагиҳои деҳқонии қаламрави ҷамоат ҳар ваҷаб замин самаранок истифода гардидааст.

Имрӯз 14-уми май, бахшида ба Рӯзи Оила, бо ташаббуси бахши кор бо занон ва оилаи Мақомоти иҷроияи ҳокимияти давлатии шаҳри Левакант, дар саҳни Муассисаи давлатии таълимии ЛКСК-и ДБССТ дар шаҳри Левакант, Аксияи таблиғотии «Оилаатонро эҳтиёт намоед» баргузор гардид.

Имрӯз 13 май, дар ҳошияи Рӯзӣ Оила дар филиали Донишгоҳи байналмилалии сайёҳи ва соҳибкории Тоҷикистон дар шаҳри Леваканти вилояти Хатлон маросими ҷамъбасти озмуни вилоятии «Оилаи масъулиятшинос» бо иштироки муовини раиси шаҳри Левакант-Шоҳиён Саъдулло, сардори раёсати маорифи вилояти Хатлон Абдулзода Зиёдулло ва дигар намояндагону оилаҳои масъулиятшинос, аз 25 шаҳру ноҳияи вилояти Хатлон баргузор гардид.

Имрӯз 11-уми май, бо иштироки раиси шаҳри Левакант-Муминзода Мастура Табарӣ, муовини раис, роҳбари дастгоҳи раис, мудирони шуъбаю бахшҳои Мақомоти иҷроияи ҳокимияти давлатии шаҳр, роҳбарону кормандони ташкилоту корхонаҳои шаҳрӣ Аксияи «Тозагии маҳал» баргузор шуд.

10-уми май, дар МТМУ №2-и шаҳри Левакант, аз тарафи намояндагони Лоиҳаи " Биё ҳамроҳ омӯзем", намояндагони Вазорати маориф ва илми Ҷумҳурии Тоҷикистон, Раёсати маорифи вилояти Хатлон, масъулини бахши маорифи шаҳри Левакант дар байни омӯзгорони синфҳои ибтидоӣ Семинари омӯзишӣ оид ба тақвияти рушди касбии омӯзгорон аз фанҳои забони тоҷикӣ, хониши адабӣ ва математика гузаронида шуд.