Масъулин ва кормандони КДФ «Хоҷагию манзилии комуналӣ»-и шаҳри Левакант, имрӯз 23-юми апрел, дар кӯчаи марказии шаҳр- Борбад беш аз 17-ҳазор гулҳои мавсимӣ шинониданд, ки ин намои зоҳирии кӯчаи марказиро боз ҳам зеботар мегардонад.

Баҳри иҷрои дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, дар асоси нақша-чорабинии Мақомоти иҷроияи ҳокимияти давлатии вилояти Хатлон ва шаҳри Левакант, ҷиҳати пешгири аз омилҳои номатлуб ва оқилона истифодабарии замин намояндагони МИҲД-и вилоят, кормандони Раёсати кор бо занон ва оила-Гулчеҳра Наимова, Маҳмадализода Меҳринисо, раиси ҷамоати деҳоти «Ваҳдат»-Фарух Султонов, мудири бахши кор бо занон ва оилаи Мақомоти иҷроияи ҳокимияти давлатии шаҳри Левакант-Халилзода Нуқра, мудири бахши ҳифзи иҷтимоӣ Фатҳиддин Саидов бо сокинони деҳаи Зағертути ҷамоати деҳоти «Ваҳдат» тариқи усули «ХОНА БА ХОНА» корҳои фаҳмондадиҳӣ намуданд.

Имрӯз 23-юми апрел, бахшида ба 79-солагии Ғалаба дар ҶБВ тибқи нақша-чорабинии Ташкилоти собиқадорони ҷангу меҳнати шаҳри Левакант, дар Литсейи давлатии №1-и шаҳр бо хонандагону омӯзгорон вохӯрӣ баргузор гардид.

Имрӯз 23-юми апрел, мудири бахши кор бо занон ва оилаи Мақомоти иҷроияи ҳокимияти давлатии шаҳри Левакант-Халилзода Нуқра, намояндагони МИҲД-и вилоят, кормандони Раёсати кор бо занон ва оила-Гулчеҳра Наимова, Маҳмадализода Меҳринисо тибқи нақша-чорабинии МИҲД-и вилояти Хатлон ва шаҳри Левакант, дар Беморхонаи марказӣ, Муассисаҳои Кумаки аввалияи тиббию санитарӣ ва Бозори марказии шаҳр баҳри пешгирии бемориҳои сироятӣ, пешгирии бегонапарастию хурофот ва риояи пушиши либоси миллӣ бо масъулину сокинон корҳои омафаҳмонӣ бурданд.

Дар даври ҷумҳуриявии олимпиадаи фаннии мактаббачагон аз фанни забон ва адабиёти рус Шарипова Натиҷа хонандаи синфи 8-и муассисаи таҳсилоти миёнаи умумии №2-и шаҳри Левакант сазовори ҷойи дуюм, омӯзгораш Аблязова Зебо ва хонандаи синфи 8-и муассиса Шарифзода Саодат аз фанни забони англисӣ омӯзгораш Муродова Зуҳро ҷойи сеюмро ишғол намуда, ҳавасманд гардиданд.