Тибқи нақшаи Кумитаи иҷроияи  Ҳизби Халқи Демократии Тоҷикистон дар  шаҳри Левакант дар ташкилоти ибтидоии «Обшорон» дар доираи Аксияи ҳизбии «Якҷоя ҳал мекунем!» корҳои тозагию ободонӣ ба роҳ монда шуда, ҳамчунин дар миёни аъзо ва ҷонибдорони ҳизб бо кормандони ҲХДТ дар шаҳри Левакант сӯҳбати самимӣ доир гардид.

Дар муассисаи таҳсилоти миёнаи умумии №1-шаҳр даври шаҳрии озмуни «Тирамоҳи заррин» доир гардид.

Дар муассисаи таҳсилоти миёнаи умумии №2 –и шаҳр даври дуюми Олимпиадаи фаннии мактаббачагони синфҳои 11-и муассисаҳои таълимӣ аз фанҳои дақиқ: математика, химия, биология, технологияи  иттилоотӣ ва физика гузаронида шуд.

Дар шаҳри Левакант дар ҳамбастагӣ бо котиби Комиссия оид ба ҳуқуқи кӯдаки назди мақомоти иҷроияи ҳокимияти давлатии шаҳр Азизов М., бо директори «Маркази бонувон»-и шаҳр Баротова З., зиёда аз 20 нафар наврасони майлу рағбатдошта дар маркази мазкур ба касбомӯзӣ фаро гирифта шудаанд.

Дар толори маҷлисгоҳи мақомоти иҷроияи ҳокимияти давлатии шаҳри Левакант, ҷамъбасти нуҳмоҳаи Комиссия оид ба ҳуқуқи кӯдаки назди мақомоти иҷроияи ҳокимияти давлатии шаҳри Левакант баргузор гардид. Дар ҷаласаи мазкур ҳафт масъала роҷеъ ба ҳифзи ҳуқуқҳои ноболиғон баррасӣ карда шуд. Котиби комиссия оид ба ҳуқуқи кӯдаки назди мақомоти иҷроияи ҳокимияти давлатии шаҳр, вобаста ба фаъолияти нуҳмоҳаи Комиссия ҳисобот дод.