Кӯчаву хиёбонҳои шаҳр бахшида ба ин санаи фархунда идона ороста шуда буд. Дар назди Қасри фарҳанг намоиши ҳунарҳои миллӣ пешкаши сокинон ва меҳмонон гардонида шуд.

Бахшида ба рӯзи Президент 16-ноябр ва дар ҳошияи 30-юмин солгарди Истиқлолияти давлатии Ҷумҳурии Тоҷикистон дар беморхонаи марказии шаҳри Левакант як ҳуҷраи стомотологӣ бо маблағи 115 ҳазор сомонӣ таъмир ва бо таҷҳизоти муосири тиббӣ ҷиҳозонида шуд. Ду бунгоҳи тиббӣ дар деҳаи Сарбанд, пули мошингузар дар деҳаи Нурафшон ва маркази хизматрасонӣ иборат аз дорухона, сартарошхона ва мағоза дар деҳаи Истиқлоли ҷамоати деҳоти «Ваҳдат» бо ҷалби соҳибкорон ва шахсони саховатпеша сохта ба истифода дода шунанд.

Дастгирии табақаҳои эҳтиёҷманд зери таваҷҷуҳи ҳамешагии Сарвари давлат ва Ҳукумати Ҷумҳурии Тоҷикистон қарор дорад. Ҷиҳати иҷрои дастуру супоришҳои Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон мунтазам ба ин гуна қишрҳои ҷомеа, дар арафаи иду ҷашнҳо кӯмак расонида мешавад.

Имрӯзҳо дар саросари мамлакат мардуми сарбаланду хушиқболи тоҷик Рӯзи Президенти Ҷумҳурии Тоҷикистонро ба нишонаи арзи эҳтиром ба ҷонфидоиҳои Пешвои маҳбуби худ дар солҳои нооромӣ ва тадбирҳои ҳадафраси ӯ дар рушду пешрафти соҳаҳои иқтисодиву иҷтимоии кишвар ҷашн гирифта истодаанд.

З. Давлатзода, раиси шаҳри Левакант 14- ноябр дар қасри фарҳанги шаҳр бо хонандагони синфҳои болоии муассисаҳои таълимии маркази шаҳр вохурӣ доир намуд.