Ваҳдати миллӣ ин дастоварди бузург, ки ба унвони пойдевори асосии ҳастии миллату давлат ва сарчашмаи пешрафту пирӯзиҳои халқи тоҷик арзёбӣ мегардад, маҳз бо талошу ҷонбозиҳои фарзандони содиқи миллат ва раҳнамоии хирадмандонаи Асосгузори сулҳу ваҳдати миллӣ, Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон ба даст омадааст. Ин неъмати бебаҳо оғози саҳифаи навини таърихиест, ки Тоҷикистонро аз парокандагӣ ва халқи азиятдидаро аз вартаи нобудӣ наҷот бахшида, ба давлату миллати тоҷик роҳи худсозиву рушду пешрафт ва зиндагии шоистаро фароҳам овард. Мурури даврони осоиштагӣ меросбарони фарҳанги тамаддунсози тоҷик бо баҳрамандӣ аз файзу саодати сулҳу осоиштагӣ санаи таърихии ба имзо расидани Созишномаи сулҳу ваҳдати миллиро ҳамчун муҳимтарин дастоварди таърихии миллат азизу муътабар дониста, ҳифзу ҳимояи ин неъмати бебаҳоро вазифаи муқаддасу масъулияти ҷонии худ мешуморанд.

26-уми июн, дар толори Қасри Фарҳанги шаҳри Левакант, бо садо додани Суруди миллӣ бахшида ба 28-солагии Ваҳдати миллӣ, чорабинии тантанавии идона баргузор гардид.

Дар қисмати тантанавии чорабинӣ раиси шаҳри Левакант-Муминзода Мастура Табарӣ тамоми сокинон ва иштирокдоронро ба рӯзи Ваҳдати миллӣ табрик намуда, қайд кард, ки беназиртарин дастоварди ниҳоди сарварӣ таҳти роҳбарии Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ин пойдор гардонидани давлатдории миллӣ, гирифтани пеши роҳи ҳадафҳои ғаразноки қувваҳои гуногуни дохилию хориҷӣ, таъмини якпорчагӣ ва сулҳу суббот дар кишвар мебошад. Имрӯз, бо шукргузорӣ аз сулҳу ваҳдати комил ва суботу амнияти кишвар мардум ба меҳнати созанда машғуланд. Баракату нусрати ваҳдати кишвар аст, ки пешрафти тамоми соҳаҳои хоҷагии халқ марҳила ба марҳила таъмин гашта, сатҳи некӯаҳволии ҳар як хонадон боло рафта истодааст.

Таҳти чунин унвон 26-уми июн, бахшида ба рӯзи Ваҳдати миллӣ бо ташаббуси бахши кор бо занон ва оилаи Мақомоти иҷроияи ҳокимияти давлатии шаҳри Левакан дар Муассисаи давлатии таълимии "ЛКСК"-и шаҳри Леваканти ДБССТ Мизи мудаввар баргузор кардид.

Дар Мизи мудаввар муовини раиси шаҳр-Шоҳиён Саъдулло, шоир, адиби шаҳр Исматов Раҳматулло, занҳои роҳбарикунанда ва занону бонувони фаъоли шаҳр иштирок намуданд.

25-уми июн, бо иштироки намояндаи прокуратураи вилояти Хатлон, ёрдамчии калони прокурори вилояти Хатлон оид ба таъминоти ҳуқуқӣ, мониторинги қонунгузорӣ ва кор бо матбуот, мушовири адлия дараҷаи 1-Зайниддинов Варқа дар прокуратураи шаҳри Левакант, маҷлиси ҷамъбасти вобаста ба таҳлили фаъолияти прокуратураи шаҳр дар нимсолаи якуми соли 2025 баргузор гардид. Дар маҷлис доир ба таъмини волоияти қонун, таҳкими қонуният, тартиботи ҳуқуқӣ, мубориза бар зидди ҷинояткорӣ дар нимсолаи аввал ибрози назар шуда, вазифаҳои минбаъда барои нимсолаи дуюми соли 2025 муайян ва мавриди баррасӣ қарор гирифт.

24-уми июн, бо иштироки муовини раиси вилояти Хатлон-Абдусаломзода Анзурат дар толори фарҳангии Донишкадаи байналмилалии Леваканти ДБССТ, вазъи соҳаи иҷтимоӣ ва идеологии шаҳри Левакант, мавриди таҳлилу баррасӣ сурат гирифт.

Сардорони Раёсатҳои маориф, тандурустӣ, фарҳанг, кор бо занон ва оила, кор бо ҷавонон ва варзиши вилояти Хатлон вобаста ба вазъи иҷтимоӣ ва идеологӣ, бурду бохт соҳаҳо ва иҷроиши барномаҳои давлатӣ маълумот доданд.

Вобаста ба иҷроиши барномаҳои давлатӣ, дар соҳаҳои маориф, тандурустӣ, фарҳанг, ҷавонон ва варзиш табодули назар шуда, баҳри дар сатҳи зарури ба роҳ мондани корҳои таблиғотию ташвиқотӣ ба масъулин супоришҳои мушахас дода шуд.