Бо ташаббуси Мақомоти иҷроияи ҳокимияти давлатии шаҳри Левакант, ва эълони «Ҳафтаи ободонӣ» аз ҷониби раиси шаҳр-Муминзода Мастура Табарӣ дар минтақаи саноатии шаҳр, ҳашари тозагӣ ва дар назди ташкилоту корхона кӯчаҳои марказӣ ҳашари дастаҷамъонаи тозагӣ гузаронида шуд.
19-уми июн, тибқи нақша-чорабиниҳо муттахассисони Маркази ташаккули тарзиҳаёти солими шаҳри Левакант дар якҷоягӣ бо мутахассисони Муассисаи давлатии Маркази пешгирии ВНМО дар шаҳри Левакант, дар кӯчаи Носири Хусрави ҷамоати шаҳраки «Сарбанд» тариқи усули фардии «Хона ба хона» баҳри пешгирии аксар бемориҳо корҳои фаҳмондадиҳӣ гузарониданд.
19-уми июн, бахшида ба Рӯзи Ваҳдати миллӣ дар деҳаи Зағертути ҷамоати деҳоти “Ваҳдат”-и шаҳри Левакант чорабинии идона баргузор гардид.
Дар чорабини муовини раиси шаҳр-Шоҳиён Саъдулло, масъулини ҷамоати деҳоти “Ваҳдат” дигар намояндагони Мақомоти иҷроияи ҳокимияти давлатии шаҳр ва меҳмонону сокинони деҳа иштирок намуданд.
Бегоҳии 19-уми июн, барои дарёфти Ҷоми раиси шаҳри Левакант, бахшида ба 28-солагии ҷашни “Ваҳдати миллӣ” ва рушди футболи тоҷик дар яке аз майдончаҳои варзишии шаҳр, байни 4 дастаи футболи ташкилоту корхонаҳо ду бозии футболи хурд ташкил шуд.
Дар ин бозиҳо дастаҳои футболи КДФ “Бақайдгирии молу мулки ғайриманқул” дар шаҳри Левакант бо Беморхонаи марказии шаҳр ва филиали ҶСК “Ориёнбонк”-и шаҳр бо Донишкадаи байналмилалии Леваканти ДБССТ бо ҳам сабқат намуданд.
Субҳи 18-уми июн, раиси шаҳри Левакант-Муминзода Мастура Табарӣ бо дигар масъулин аз вазъи корҳои саҳроии меҳнаткашони ҷамоати деҳоти «Гулистон» дидан намуд.
Шаҳрдорӣ ба парвариши пахта, ҷамъоварии картошка, обёрии заминҳо ва дигар корҳои саҳроӣ таваҷҷуҳи махсус намуда, ба роҳбарони хоҷагиҳои деҳқонӣ ва дигар истифодабарандагони замин баҳри дуруст ба роҳ мондани корҳои агротехникӣ, ҷамъоварии беталафи ҳосил супоришу тавсияҳо дод. Ӯ иброз дошт, ки шаҳри Левакант ҳамасола дар мавсими пахтасупорӣ дар зиннаи аввал меистод, имсол низ бояд мо нақшаи дурнамои ҳосилро пеш аз муҳлат иҷро намуда, дар ғани гардонидани буҷаи мамлакат саҳми худро гузорем.
