22-юми июн, дар шаҳри Нораки вилояти Хатлон, аз намуди гуштини самбо байни наврасону ҷавонон мусобиқаи ҷумҳуриявӣ баргузор гардид.

Дар ин мусобиқа 3-варзишгари навраси шаҳри Левакант, дастпарварони Муассисаи давлатии мактаби варзишӣ иштирок намуда, соҳиби ду ҷой гардиданд.

Варзишгарони навраси мо Диплом ва як медали тилову як медали нуқраи мусобиқаро соҳиб шуданд гуфт ба мо директори Муассисаи давлатии мактаби варзишии шаҳр-Абдуллоев Файзиддин. Инчунин ӯ илова намуд, ки дар намуди гуштини миллӣ шавқмандон зиёд буда ба онҳо мурабиёни соҳибтаҷриба машқу тамрин мегузаронанд.

20-уми июн, тибқи нақша-чорабинии Муассисаи давлатии мактаби варзишии шаҳри Левакант, бахшида ба 28-солагии Ваҳдати миллӣ, байни дастпарварони наврасу ҷавони Муассиса аз намуди гуштини миллӣ мусобиқа баргузор гардид.

Дар рафти баргузории мусобиқа намояндагони Мақомоти иҷроияи ҳокимияти давлатии шаҳри Левакант, сармутахассиси шуъбаи рушди иҷтимоӣ ва робита бо ҷомеаи дастгоҳи раиси шаҳр-Шеров Исмоил, котиби комиссияи ҳуқуқи кӯдаки Мақомоти иҷроия-Маҳмудзода Исроил, директори Муассисаи давлатии мактаби варзишӣ-Абдуллоев Файзиддин ва варзишгарон иштирок намуданд. Мусобиқаи гуштини миллӣ байни наврасон хеле хуб ҷараён гирифт. Ғолибон бо Медал, Ифтихорнома ва туҳфаҳои хотиравӣ қадрдонӣ гардиданд.

Абдусатторзода Мубориз, дастпарвари Муассисаи давлатии мактаби варзишии шаҳри Левакант, дар мусобиқаи ҷумҳуриявӣ аз намуди TAJ MMA (муҳорибаи омехта) дар ноҳияи Данғара иштирок намуда, бо мағлуб намудани рақиби худ дар вазни 56кг, ҷойи аввалро ишғол намуд.

Ӯ бо Медал, Ифтихорнома ва туҳфаҳои хотиравӣ қадршиноси шуд. Аҳсан мегӯем ба чунин ҷавонони қаъвииродаву неъруманд, ки бо қувваи бозуи худ аз намудҳои гуногуни варзиш шаҳри Левакантро муарифи менамоянд.

20-уми июн, бахшида ба Рӯзи Ваҳдати миллӣ дар саҳни муассисаи таҳсилоти миёнаи умумии №11-и деҳаи Вахши ҷамоати шаҳраки “Сарбанд”-и шаҳри Левакант чорабинии идона баргузор гардид.

Бегоҳии 20-уми июн, барои дарёфти Ҷоми раиси шаҳри Левакант, бахшида ба 28-солагии ҷашни “Ваҳдати миллӣ” ва рушди футболи тоҷик дар яке аз майдончаи варзишии “Алад”, байни 4 дастаи футболи ташкилоту корхонаҳо ду бозии футболи хурд ташкил шуд.

Дар ин бозиҳо дастаҳои футболи Мақомоти иҷроияи ҳокимияти давлатии шаҳри Левакант бо ШВКД-и шаҳр ва Муассисаи давлатии мактаби варзишӣ бо СНБО-и Вахш дар шаҳри Левакант бо ҳам сабқат намуданд.

Дар ин дидорҳо дастаҳои футболи ШВКД 8 гол ба дарвозаи футболбозони Мақомоти иҷроия ва Муассисаи давлатии мактаби варзишӣ 5 гол ба дарвозаи ҳарифашон СНБО дар шаҳри Левакант ворид намуданд. Мусобиқа дар сатҳи хеле хуб ҷараён гирифт.

Ёдовар мешавем, ки ғолибонро Ҷоми раиси шаҳри Левакант ва туҳфаҳои арзишнок интизор аст.