30-юми июн, дар толори маҷлисгоҳи Мақомоти иҷроияи ҳокимияти давлатии шаҳри Левакант, маҷлиси назоратии назди раиси шаҳр баргузор гардид.
Дар рӯзномаи маҷлис иҷрои супоришҳои протоколии маҷлиси назоратии назди раиси шаҳр аз 23-юми июни соли 2025 ва вазифаҳои барои ҳафтаи ҷорӣ, рафти обунашавӣ ба рӯзномаву маҷалаҳои даврӣ ва дигар масъалаҳои ҷорӣ мавриди баррасӣ қарор гирифт.
Субҳи имрӯз 30-юми июн, раиси шаҳри Левакант-Муминзода Мастура Табарӣ аз ҷараёни таъмири МТМУ №6-и деҳаи Боҳтурободи ҷамоати деҳоти “Гулистон”-и шаҳр дидан намуд.
Маврид ба зикр аст, ки муассисаи таълимии мазкур бо ташаббуси роҳбарияти муассиса, ҷалби Кумитаи падару модар ва саҳми хатмкунандаҳои собиқи муассиса таъмири копиталӣ ва бомпуш шуда истодааст.
Имрӯз 27-уми июн, бахшида ба Рӯзи Ваҳдати миллӣ, тибқи нақша-чорабинии МИҲД-и шаҳри Левакант, муовини раиси шаҳр Шоҳиён Саъдулло, комиссари ҳарбии шаҳр-Раҳимзода Анвар, мудири бахши кор бо занон ва оилаи Мақомоти иҷроия-Эшова Боғигул, занону бонувони фаъол, ҳунармандони шаҳр, ба аёдати сарбозони қисми низомии 03 07, Панҷоби ноҳияи Ҳамадонӣ рафтанд.
Имрӯз 27-уми июн, бахшида ба Рӯзи Ваҳдати миллӣ бо ташаббуси Муассисаи давлатии мактаби варзишии шаҳри Левакант, байни наврасон мусобиқаи гуштини миллӣ баргузор гардид.
Дар ин мусобиқа мудири бахши кор бо ҷавонон ва варзиши шаҳри Левакант-Шодихон Сафарзода, директори Муассисаи давлатии мактаби варзишии шаҳр-Абдуллоев Файзиддин иштирок намуда, ба ҳунару малакаи наврасон баҳои баланд доданд.
Имрӯз, 27-уми июн, дар толори Муассисаи давлатии таълимии "ЛКСК" дар шаҳри Леваканти ДБССТ иҷлосияи дуюми Маҷлиси вакилони халқи шаҳри Левакант, даъвати ҳафтум таҳти раёсати Муминзода Мастура Табарӣ - раиси Маҷлиси вакилони халқи шаҳри Левакант, раиси шаҳр, баргузор гардид.
Дар иҷлосия муовини раиси шаҳр, роҳбари дастгоҳи раис, намояндаи Мақомоти иҷроияи ҳокимияти давлатии вилояти Хатлон-Ҳо там зода Фарух, мудирони шуъбаю бахшҳои Мақомоти иҷроияи ҳокимияти давлатии шаҳр, роҳбарони ташкилоту муассисаҳои шаҳрӣ, вакилон, роҳбарону намояндагони мақомотҳои ҳифзи ҳуқуқ ва дигар фаъолон иштирок намуданд.
